بصراحه إتفاجئت بحاجه غريبه أوى.
حاجه إسمها الإشراف...........!!!
الإشراف كل شويه له ملاحظات وتحذيرات ، وكل مشرفه بقى ومعتقداتها، اللى ما يعجبها الكلام تحذفه ، واللى مش عاجباها فكرتى تلغيها أو تعدلها......!!!
لقيت العضوات بدئوا يتضايقوا جدا جدا وكمان بدئوا يطلبوا منى أعمل مدونه خاصه بى أكتب فيها أفكارى ، وكل اللى انا عاوزه أقوله من غير مقص الرقيب اللى عامل زى حبل المشنقه على كل كلمه وكل حرف.
أترددت كتير أوى ، بس قلت هيحصل أيه يعنى ؟؟؟؟
المدونه دى عملتها أكتب فيها عن كل اللى بشوفه فى العالم الغريب إللى حوالينا ده .
هكتب عن الستات الغلابه ومشاكلها،الستات إللى مش عارفه تتنفس ولا تاخد راحتها حتى فى كلمتين يفشوا غلهم بيهم،عن الجواز والطلاق والحضانه ،عن مشاكلنا وأولادنا ، عن حقوقنا وواجباتنا..
عنا .......
عن قصصنا كأمهات وزوجات وأرامل ومطلقات وحبيبات كمان.......عن احلامنا .
شاركونى
قولوا إللى فى نفسكم ، فضفضوا ......
وإن مالقيناش حل ...على الأقل نعتبره
النهارده .......تالت يوم للمدونه ولسه ما عرفت اعرف صديقاتى بيها بس ان شاء الله هلاقى طريقه اكيد
ردحذفانتي يا بنتييييييييييييييييييي انا وصلت الحقي شيلي توقيعك صدقيني .. مش هتفرقي وهيمنعوكي من المشاركة حرام في ستات كتير واعضاء متعلقين بأرائك ..
ردحذفوحسنتي من وضعهم
بوصي .. حطيه لما توصل ماي ماي للمنتدى وشليه وهكذا ..
ردحذفاصل حرام .. ساعدتي ناس كتير
وغيابك خسارة كبيرة